মুক্ত বিশ্ববিদ্যালয় কি ? ইয়াৰ বৈশিষ্ট্য আৰু উদ্দেশ্য সমূহ লিখা । What is open university ? describe it's characteristics and objectives .

 

মুক্ত বিশ্ববিদ্যালয় কি ? ইয়াৰ বৈশিষ্ট্য আৰু উদ্দেশ্য সমূহ লিখা ।

যি বিশ্ববিদ্যালয়ত উপযুক্ত সময়ত শিক্ষাৰ্থীসকলে বিভিন্ন সমস্যাৰ বাবে আনুষ্ঠানিক ভাৱে উচ্চ শিক্ষা লাভ কৰিব নোৱাৰিলে তেনে শিক্ষাৰ্থীক নিজৰ সুবিধা , ইচ্ছা আৰু সামৰ্থ্য অনুসৰি উচ্চ শিক্ষা প্ৰদান কৰাৰ যি আনুষ্ঠানিক ব্যৱস্থা তাকে মুক্ত বিশ্ববিদ্যালয় বোলা হয়। প্ৰচলিত শিক্ষা ব্যৱস্থাৰ বিশ্ববিদ্যালয় পৰ্যায়ৰ শিক্ষা লাভ কৰিবলৈ অন্তত স্নাতক ডিগ্ৰীধাৰী হব লাগিব । কিন্তু মুক্ত বিশ্ববিদ্যালয়ৰ ক্ষেত্ৰত তেনে কোনো ধৰাবন্ধা নিয়াম নাই । ১৯৬৯ চনত ইংলেণ্ডত প্ৰথম মুক্ত বিশ্ববিদ্যালয় পোন প্ৰথম বাৰৰ বাবে স্থাপন কৰা হয়। এই মুক্ত বিশ্ববিদ্যালয়ত স্নাতক ( bachelor) পৰা পি. এইচ. ডি. উপাধি প্ৰদানৰ ব্যৱস্থা আছে ।
১৯৮২ চনত ভাৰতবৰ্ষৰ অন্ধ্ৰপ্ৰদেশ ত প্ৰথম
 অন্ধ্ৰপ্ৰদেশ মুক্ত বিশ্ববিদ্যালয় নামেৰে মুক্ত বিশ্ববিদ্যালয় এখন স্থাপন কৰা হয় । ১৯৮৫ চনত  নতুন দিল্লীত "ইন্দিৰা গান্ধী ৰাষ্ট্ৰীয় মুক্ত বিশ্ববিদ্যালয় " (IGNOU- Indira Gandhi National Open University ) স্থাপিত হয় । অধ্যাপক জি. ৰাম. ৰেড্ডিক প্ৰথম উপাচাৰ্য্য হিচাপে নিযুক্তি দিয়া হৈছিল। শৈক্ষিক কমনৱেলথে (common wealth of learning)এ ১৯৯৩ চনত ইন্দিৰা গান্ধী মুক্ত বিশ্ববিদ্যালয়ক দূৰৱৰ্তী শিক্ষাৰ উৎকৃষ্টতা কেন্দ্ৰ (Centre of Excellence) বুলি আখ্যা দিছে ।

মুকলি বিশ্ববিদ্যালয়ৰ বৈশিষ্ট্য (Characterstics of open university)

ক) মুক্ত বিশ্ববিদ্যালয়ত নামভৰ্তিৰ সময়ত কোনো পূৰ্বৰ কোনো আনুষ্ঠানিক অৰ্হতাৰ প্ৰয়োজন গুৰুত্ব দিয়া নহয় ।
খ) এই বিশ্ববিদ্যালয়ৰ শিক্ষাৰ্থী সকলে শিক্ষা গ্ৰহণ কৰিবৰ বাবে সকলো সময়তে শিক্ষানুষ্ঠানলৈ যাব নালাগে ।
গ) শিক্ষণীয় বিষয়সূচীৰ ক্ষেত্ৰত কোনো বাধ্যবাধকতাৰ স্থান নাই ।
ঘ) শিক্ষাৰ্থীয়ে স্ব-ইচ্ছা , নিজৰ সুবিধা অনুসাৰে শিক্ষা লাভ কৰিব পাৰে ।
ঙ) শ্ৰেনিকক্ষত উপস্থিতি বাধ্যতামূলক নহয়


উদ্দেশ্য (Objectives )

ক) উচ্চ শিক্ষা উপযুক্ত সময়ত শেষ কৰিব নোৱাৰা লোকসকলক উচ্চ শিক্ষাৰ সুবিধা দিয়া হয় ।

খ) জনসাধাৰণক নতুন জ্ঞান, কৌশল আহৰণৰ সুবিধা প্ৰদান কৰা ।

গ) ছাত্ৰ - ছাত্ৰীসকলক কেনেকৈ শিকিব লাগে সেই বিষয়ে সহায় কৰে ।

ঘ) আনুষ্ঠানিক শিক্ষা ব্যৱস্থাৰ এক পৰিপূৰক হিচাপে কাম কৰা।